Sumarhátíð í Tjarnarskógi


Nú er búið að aflétta öllum fjöldatakmörkunum þannig að við ætlum að hafa sumargleði í leikskólanum Tjarnarskógi.
Sumargleði leikskólans verður haldin miðvikudaginn 30. júní kl. 14:10 - 15:30 á lóðinni við Skógarland. Sumargleðin er samvinnuverkefni foreldrafélagsins og leikskólans.
Við viljum bjóða foreldrum að mæta og eiga skemmtilega stund með börnum sínum. Jafnframt viljum við biðja þá sem sjá sér ekki fært að mæta, að láta vita á deild barnsins síns. Það er mikilvægt því við erum að raða kennurum á svæði en erum alltaf með einhverja af hverri deild með börnunum.
Þau börn sem eru komin í frí frá leikskólanum eru að sjálfssögðu velkomin með foreldrum sínum á sumarhátíðina. 
  • Sumargleðin byrjar með opnunaratriði á hólnum þar sem við biðjum foreldra að setjast með barni sínu á hólinn. Þar munum við syngja nokkur lög saman
  • Austurhopp.is verður með þrjú leiktæki eitt í yngri garðinum (bakvið yngri álmuna) og annað í horninu við hólinn. Þriðja í bakgarðinum bak við Kjarr og Rjóður
  • Víðsvegar um garðinn verða settar upp stöðvar þar sem hægt er að vatnslita, kríta, blása sápukúlur og ýmislegt fleira.
  • Boðið verður upp á vatn og djús. Það verða allir búnir að fá vel af ávöxtum áður en að sumarhátíðin byrjar

Eins og áður sagði, vonumst við til að foreldrar sjái sér fært að mæta en því miður verðum við að biðja um að grunnskólabörn komi ekki. Þetta er fyrir leikskólabörnin og í Tjarnarskógi voru í vetur 180 börn og þegar flestir foreldrar þeirra mæta þá er fjöldinn orðin ansi mikill ef eldri systkini fljóta einnig með. Því biðjum við foreldra vinsamlegast að virða það.

Hlökkum til sumargleðinnar og samkvæmt veðurspá þá á að sólin að skína á okkur :)