Lífsgleði og vellíðan

Á skipulagsdeginum 17.september sátu allir starfsmenn leikskóla í Múlaþingi netnámskeiði Lífsgleði og vellíðan. Netnámskeiðið var haldið af Guðbjörgu Ósk og hennar dýpsta þrá er að kenna og hjálpa öllum að læra elska sjálfan sig og aðra og notið þeirrar gæfu sem hver og einn öðlast þegar hlustað er á hjartað. Hún heldur úti vefsíðu sem hægt er að skoða nánar hér. Eftir námskeiðið voru starfsmenn hvattir til þess að gera æfingar sem stuðla að betri líðan og meiri gleði. Ein æfingin var að hrósa samstarfsfélögum. Starfsmenn Tjarnarskógar hafa verið duglegir að hrósa hvert öðru munnlega og skriflega og smitar sú jákvæðni og gleði út frá sér til nemenda.